Kanceri i gjirit është kanceri më i përhapur te gratë. Mjekët thonë se kura më e mirë është zbulimi i hershëm.

Shumë këshilla janë dhënë shpesh, por shumica e grave nuk dinë se kujt t’i besojnë.

Arbresh.info ju sjell gjashtë mitet të cilat lidhen me kancerin e gjirit por që jo gjithmonë janë të vërteta.

Miti 1: Nëse një anëtare e familjes suaj ka vuajtur nga kjo sëmundje, do të vuani edhe ju.

Zbulohet: Edhe pse personat në familjen e të cilëve dikush ka vuajtur nga një kancer i tillë janë më të rrezikuar që në të ardhmen të përballen edhe ata, vetëm 5 për qind e grave që vuajn nga kanceri i gjirit vinë nga një familje me një historik të një sëmundjeje të tillë.

Miti 2: Të gjitha gungat në gji janë kancerë.

Zbulohet: Shumica e personave me gunga (kokrra)në gji nuk vuajnë nga kanceri, ato mund të jenë cista, apo gjëndra beninje që nuk janë kancerogjene.

Miti 3: Përdorimi i deodorantëve mund të shkaktojë kancerin e gjirit.

Zbulohet: Nuk ka ndonjë provë që do ta vërtetonte një gjë të tillë.

Miti 4: Veshja reçipetave me tela rrit rrezikun për kancer.

Zbulohet: Pretendimet, se veshja e reçipetave me tela ushtron trysni mbi rrugët limfatike afër gjinjëve dhe se një gjë e tillë shkakton kancerin, nuk janë të vërteta.

Miti 5: Burrat nuk preken nga kanceri i gjirit.

Zbulohet: Kanceri i gjirit është kanceri më i shpeshtë tek femrat, por sipas studimeve më shumë se 340 meshkuj preken nga kanceri i gjirit brenda një viti.

Miti 6: Rrezatimi ndikon negativisht dhe shkakton kancerin e gjirit.

Zbulohet: Rreziku nga rrezatimi që vjen nga memogramët është aq i vogël saqë i humb vlera kur shihen të mirat e tij. Më anë të tyre mund të zbulohet nëse vuani nga kanceri apo jo.

Në disa studime të bëra në Mbretërinë e Bashkuar thuhet se 80 për qind e femrave që janë diagnostifikuar me kancer të gjirit dhe kanë vazhduar terapinë kanë gjasa të jetojnë edhe 10 vjet pas diagnostifikimit, fjala është për ato që nuk e kanë mposhtur krejtësisht këtë sëmundje./Arbresh.info